Kylling i kvitvin og fløte

Til 4-6 personar

1- 1,2 kg kyllingfilet
1 stor bunt vårlauk
ca 400 gram sjampinjong
3 dl kvitvin
1 fløteputt
2-3 kvistar frisk timian eller 1 ts tørka

Del kyllingfiletane i 2 eller 3 bitar og brun dei lett i litt smør. Krydre med salt og pepper.
Del soppen i mindre bitar om dei er svært store, små sopp kan vera heile. Brun dei i litt smør. Skyll vårlauken og del dei i grove bitar. Steik vårlauken saman med soppen eit par minuttar.
Ha kylling, sopp, vårlauk og timian i ei gryte og hell over kvitvin. La det småkoke i ca ein time. Ha så i fløten og kok forsiktig opp igjen. Smak til med salt og pepper.

Server med jordeplemos eller ris.

Røykt fisk i ovn

Til 2 personar

500-600 g røykt kvit fisk
4 vårlauk
1 kvitlauksfedd
1 pakke cherrytomater
2 ss smelta smør
1 ss finhakka friske urter, f.eks oregano, graslauk, persille, basilikum eller anna

Vatne ut fisken i ein halv time før den skal brukast, viss ikkje kan den bli litt for salt.
Legg fiskefiletane i eit ovnfast fat. Ha over finhakka vårlauk og heile cherrytomater. Rør finhakka kvitlauk og urter inn i smøret, og drypp dette over fisken.
Steikast på 200 grader i ca 20 minutt. Dekk fatet med folie dersom det byrjar å bli brent.

Serverast med ris eller jordeple.

Risotto med sopp, asparges og bacon

Som egen middag til 4 personar eller som tilbehør til 6 personar.

ca 1,5 l kyllingkraft
2 middels store lauk
2 kvitlauksfedd
1 ss olje
400 g risottoris
1 dl kvitvin
75 g smør
50-100 g rive parmesan
250 g sopp
1 pakke aspargestopper
100 g bacon
salt, pepper, timian

Varm opp kraft i ein kjele. Denne skal vera på kokepunktet heile tida.

Finhakk lauk og kvitlauk. Varm opp oljen i ei gryte og fres lauken i et par minuttar på middels varme, ha så i kvitlauk og la det surre eit par minutt til. Ha i risen og skru opp varmen litt. Steik risen i 2-3 minutt medan du røre heile tida. Skru ned varmen dersom risen byrjar å bli brun.

Ha så i kvitvin og la denne koke inn medan du rører. Når vinen er koka inn heller du over ei ause med varm kraft og fortset å røre. Det skal bare småkoke, så skru ned varmen om det  fosskokar. Fortset å ha i litt og litt kraft heilt til risen er mør, bruk så mykje kraft som er nødvendig. Det må rørast jevnt under heile koketida.

Når risen er mør tar du gryta av varmen og rører inn smør og parmesan. Smak til med salt, peppe og timian.

Bacon og sopp i bitar steikast ferdig på forhånd og asparges delast i mindre bitar og kokast i 1-2 minutt. Rør dette forsiktig inn i risottoen før servering.

 

Alt-i-ett-pai

Til 3-4 personar

Denne paien skulle egentleg bli “Fylte halve poteter”, men når jordepleskallet var så tynt at det sprakk ved koking, måtte planen revurderast og det blei ein alt-i-ett-pai.

ca 1,2 kg jordeple
1 pakke bacon
400 g kjøttdeig
1 lauk
1/2 purre
2-3 sjampinjongar
1 ts turka timian eller 1 kvist frisk timian
1 egg
riven ost

Skrell jordepla og kok dei møre. (Dersom du prøver å lage fylte jordeple, kok jordepla med skallet på. Del i to og grav ut innmaten som du blandar med resten av fyllet.) Finhakk lauk og purre, og steik dette til det blir blankt. Steik også bacon i terningar, soppen i terningar og kjøttdeigen. Bland alt det stekte saman og krydre med salt, pepper og timian.

Mos jordepla og bland i resten av fyllet. Rør i egget til slutt. Ha alt saman i ei smurt ildfast form og ha osten på toppen.

Steikast på 200 grader til osten er gylden. Server med salat og gjerne ein god rømmedressing.

 

Pasta med laks

Til 2 personar

3-400 g laksefilet
2-3 sopp
1-2 vårlauk
aspargestoppar
sitron
1-2 dl matføte

Del fisken i terningar og steik dei forsiktig. Krydre med salt og pepper og legg til side. Steik soppen i litt smør. Del asparges og vårlauk og forvell den raskt. Ha dette saman med soppen i steikepanna. Hell over fløte og eventuelt litt vatn. Kok opp og smak til med krydder og sitron. Ha i fiskebitane og server saman med nykoka pasta.